الجمعة 29 مارس 2024
رئيس التحرير
عمرو عامر
المشرف العام
عبدالعظيم حشيش
شمول مالي

قناة السويس مركز تجارة العالم

الأربعاء 24/مايو/2023 - 12:19 ص
 قناة السويس مركز
قناة السويس مركز تجارة العالم

في الوقت اللي فيه قناة بنما وهي المنافس الأقوى لقناة السويس بتعاني من الجفاف ومش قادرة تستوعب السفن قناة السويس عندنا بتتوسع ويتقدم خدمات جديدة هتقفز بايراداتها السنوية.. تعالوا نشوف ايه الخدمات والمشروعات الجديدة والمتوقع منها وحجم الاستثمارات المهول في المنطقة الاقتصادية للقناة والصراع الدولي للاستثمار فيها.

فاكرين لما اتكلمنا عن تقديم قناة السويس خدمة تموين السفن والصيانة لاف السفن العابرة والانتهاء من البنية الأساسية لتنفيذ المشروع الضخم واللي هنيقل إيرادات القناة في حتة تانية، النهاردة شركة مينرفا العالمية واللي فازت برخصة تموين السفن العابرة من قناة السويس بالوقود في موانئ بورسعيد خطة بالتنسيق مع الهيئة الاقتصادية لقناة السويس، قالت إنها بتخطط لجذب 8 آلاف سفينة كمرحلة أولى للتزود بالوقود من إجمالي 22 ألف ناقلة بحرية تعبر الممر الملاحي سنويًا..وطبعا تخيل متوسط الزيادة في الإيرادات مع الخدمة الجديدة ومش بس إيرادات دي الخدمة نفسها هتجذب سفن تانية عشان تعبر من قناة السويس بعد مابقت ممر ملاحي دولي متكامل.

وبالعودة لشركة مينرفا واللي كشفت إنها بتجهز لزيادة عدد بارجات التموين بالوقود لتصل إلى 5 وحدات، لمقابلة الطلب المتوقع على خدماتها يعني المشروع مسمع جدا في خطوط الملاحة الدولية والشركات العالمية من قبل حتى ما يبتدي.

 

الخبر التاني المهم جدا بخصوص قناة السويس بيقول إن المنطقة الاقتصادية
قربت تحول مذكرة تفاهم للهيدروجين الأخضر مع “Energy China” لاتفاقية إطارية، يعني هتدخل حيز التنفيذ ودا مشروع عملاق هيعمل قيمة مضافة للقناة نفسها، والمشروع عبارة عن مجمع صناعي للهيدروجين الأخضر مع “Energy China” نهاية 2023 باستثمارات 7 مليار دولار، لإنتاج 1.2 مليون طن من الأمونيا الخضراء، و210 آلاف طن من الهيدروجين الأخضر سنوياً .

وتخيل بقى حجم الاستثمار في المشروع قد ايه والفرص اللي هيضيفها للاقتصاد المصري ولمنطقة قناة السويس واللي هتبقى مركز صناعي ملاحي خدمة على مستوى العالم ودا بيفسر التسابق الدولي عليه بين روسيا والصين وأوروبا للاستثمار فيه وإنشاء مناطق صناعة متكاملة.