خدمة جديدة هتقفز بإيرادات قناة السويس والتنفيذ خلال أيام
اتكلمنا النهاردة كتير عن الأفكار خارج الصندوق اللي هتففز بالاقتصاد المصري وإعادة اكتشاف إمكانيات الدولة المصرية.. لسه الحديث موصول وتعالوا نشوف ايه اللي بيحصل في قناة السويس وازاي إيراداتها هتقفز في الشهور الجاية وايه الخدمات الجديدة اللي هتقدمها.
فاكرين لما الرئيس السيسي منح الضوء الأخضر لهيئة قناة السويس أنها تشتغل على نفسها وطور إمكانياتها وتزود إيراداتها واستغلال موقعها الجغرافي الفريد النهاردة المنطقة الاقتصادية لقناة السويس أعلنت عن مشروع عبقري محدش فكر فيه قبل كده او كانت الإمكانيات وقتها ماتسمحش.
الخبر بيقول إن المنطقة الاقتصادية للقناة أعلنت عن وصول عائمات خدمات تموين السفن بمنطقة انتظار موانئ بورسعيد للبدء في اتخاذ الاستعدادات اللازمة لدخول الخدمة حيز التنفيذ خلال أيام واللي هي خدمة تموين السفن وعشان نعرف أهمية المشروع حابين نقول لحضراتكم إن فيه حوالي
23851 سفينة بتمر في قناة السويس كل سنة والارقام بتزيد ودا معناه إن العدد الضخم من السفن دا هيمون من عندك في موانئ السخنة وبورسعيد وتخيل حجم الدخل الزيادة اللي ممكن تحققه القناة كل سنة ومش كده وبس دا كمان فيه مشروعات تانية لتقديم خدمات الكشف والصيانة للسفن ودا كله معناه إيرادات زيادة بالعملة الصعبة.
المقصود من المشروعات أو الخدمات الجديدة تحويل مصر لمركز إقليمي لتقديم الخدمات البحرية وتموين السفن ومركز لتداول الطاقة، ووضع مصر على خارطة تموين السفن العالمية.
وعشان تضمن قناة السويس تشغل مشروع تموين السفن صح وليد جمال الدين رئيس المنطقة الاقتصادية لقناة السويس زار هولندا، وتفقد موقع شركة OCI بمقرها الرئيسي داخل ميناء روتردام، للاطلاع على مستجدات الأعمال للتجهيزات الخاصة بتموين السفن اللي بتوفرها الشركة لعملائها ولتبادل الخبرات بين الجانبين.
بعيد مشروعات تموين السفن والصيانة قناة السويس بتنتظر انطلاقة جديدة مع اكتمال مشروعات المناطق الصناعية على حافة. القناة واللي هتغير شكل تجارة مصر الخارجية وتطلق قطار التصنيع والتصدير وفيه شركات عالمية من الصين وروسيا وامريكا وأوربا والخليج بتستثمر في مناطق امتيار المنطقة الاقتصادية للقناة ومع اكتمال المشروعات شكل الاقتصاد هيتغير 180 درجة للأفضل.
