الخميس 28 مارس 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

معارض كلنا واحد... مبادرة في حب المواطن | تقرير

الثلاثاء 21/فبراير/2023 - 12:29 ص
معرض أهلا رمضان
معرض أهلا رمضان



الخير في مصر نزل لما نزل أبونا آدم الأرض.. ومحدش يقدر يستغل شعب شال المسيح ودعت له العذرا وصلّت فيه ستنا نفيسة وارتاح فيه الحسين..
في كل شبر معرض.. تعالي اشتري وخد فكرة واللي مايشتري يتفرج ويشتري بكرة.. كل الخير في الشوادر سكر وزيت مكرونة وقمر الدين.. دقيق ومرقة وكل ما تولي هتلاقي الخير والبضايع وضحكة الرضا على وش الغلبان.

هنا في معارض مباردة كلنا واحد هتلاقي كل اللي نفسك فيه وجميع المنتجات بأسعار وتخفيضات زمان ولا تتعب نفسك مع جشع التجار .. 
وزارة الداخلية مش مجرد قسم ومديرية وديوان صلح.. دي كيان وطني وليه مسئوليات والمواطن أولا محور عقيدته.. هي اللي بدأت الفكرة ووصلتها للمرحلة  الـ 23 لأخر رمضان 2023..


والجديد بقي إن الداخلية اتفقت مع 5 من الكيانات الكبرى والموردين لإطلاق قوافل سيارات مجمعة (أمان) لبيع السلع الغذائية والمعمرة في المناطق الأكتر احتياجًا بعدد من المحافظات اللي مفهاش سلاسل تجارية ومنافذ البيع، وده خلال فترة المبادرة لطرح سلع غذائية بكميات إضافية للمواطنين بجودة عالية وبأسعار مخفضة.

وزارة الداخلية بتواصل فعاليات المرحلة 23 من مبادرة (كلنا واحد) تحت رعاية رئيس الجمهورية والمقرر أن تستمر حتى نهاية شهر رمضان لعام 2023، لتوفير كافة السلع الغذائية وغير الغذائية بأسعار مخفضة عن مثيلاتها بالأسواق بنسبة تصل إلى 60% بالمنافذ والسرادقات المكتوبة على الموقع الرسمى لوزارة الداخلية ويقدر أي حد يطلع عليه.
الداخلية بردوا نسقت مع قطاعات الوزارة ومديريات الأمن على مستوى الجمهورية، لضمان توافر السلع بجودة عالية وبأسعار مخفضة لكل المواطنين.. عشات شرطة بلدنا وعاشت الإيدين الطيبة.