السبت 03 ديسمبر 2022
رئيس التحرير
عمرو عامر
المشرف العام
عبدالعظيم حشيش
بنوك خارجية

العالم يحبس الأنفاس.. هل يواصل الفيدرالي الأمريكي رفع الفائدة ؟

الثلاثاء 01/نوفمبر/2022 - 12:45 ص
الفيدالي الأمريكي
الفيدالي الأمريكي

هو ايه اللى هيحصل فى اجتماع الفيدرالي الأمريكي الجاي؟ وهل لو تم رفع اسعار الفايدة هيأثر علينا فى مصر؟ وليه بعد تعويم الجنيه لسه فيه ربط بين جتماع الفيدرالي وبين الأوضاع فى مصر؟

48 ساعة

خلاص كلها 48 ساعة وهيعقد بنك الاحتياطي الفيدرالي الأمريكي اجتماعه لبحث اسعار الفايدة على العملة الأمريكية .. وفقا للتوقعات فاجتماع الأربع الجاى فى الفيدرالي الأمريكي هيكون أحد الاجتماعات التاريخية وهيقوم الفيدرالي إما برفع أسعار الفائدة بمقدار 75 نقطة  للمرة التالثتة على التوالي لتصل إلى 3٪، أوهيرفعها بمقدار 100 نقطة مرة واحدة ليصل اجمالى الفايدة  الى 3.25٪.

مواصلة رفع الفائدة


وفيه انقسام  حوالين هل الاحتياطي الفيدرالي هيواصل رفع أسعار الفائدة بقوة .. او ضغوط التضخم هتهدأ بما يكفي للسماح للبنك المركزي الأمركيى بإبطاء وتيرة رفع اسعار الفايدة بشكل يدي فرصة للاقتصاد للانتعاش من جديد. 
وبتشير توقعات الخبراء لسعر الفائدة قصيرة الأجل لبنك الاحتياطي الفيدرالي بعد اجتماع نوفمبر انها هتتراوح من 3.5٪ إلى 4٪. ولكن التوقعات الأكثر ضبابية هتكون فى شهر ديسمبر وبيتوقع الاقتصاديون أن تكون المعدلات منخفضة مثل 3.75٪ أو مرتفعة بحيث تصل إلى 4.5٪.

مشكلة التضخم


المشكلة الكبيرة اللي بتواجه الفيدرالي الأمريكي هي أن الاقتصاد يبان انه بيمشي على ما يرام لكن التضخم مشكلة أكبر بتواجه صناع السياسة النقدية فى اكبر دولة فى العالم وأسعار السلع والخدمات بتزيد بشكل غير مسبوق وأسعار العقارات  لسه مرتفعة رغم حدوث ارتفاع كبير في معدلات الرهن العقاري.

هل تتأثر مصر بقرار الفيدرالي


طب بعد تعويم الجنيه .. هل برضوا هنتأثر بقرارات الفيدرالى؟  فكرة انك مش هتتأثر انساها العالم دلوقتى حرفيا بقا قرية صغيرة واى قرار اقتصادي خصوصا للقوى العظمى فى العالم مؤكد بيكون ليه تأثير على الاوضاع عندنا فى مصر وده لأننا بنستورد أغلب احتياجاتنا من الخارج وصحيح على المدى القصير ممكن ما نتأثرش اوي بقرارات الفيدرالى الامريكي لكن طبعا القرارات هيكون ليها تداعيات على قوة الدولار وعلى حركة الأموال الساخنة وعلى حاجات تانية كتير