5حاجات لازم تعرفهم وأنت بتقدم علي قرض
لما تبدأ تدور على انك تاخد قرض شخصي او قرض سيارة او قرض تمويل عقاري من اي بنك لازم تكون عارف بعض الحاجات المهمة والضرورية ودة عشان تتلاشي اي مشكلة مستقبلية وكمان تاخد القرض من غير تعقيدات ورتين موظفين وكمان تعرف تختار القرض المناسب لك حتي لاتقع فريسة سعر الفائدة المرتفع وغيرها وعشان كدة نضع لك 5 حاجات مهمة لازم تعرفها وانت بتقدم على قرض شخصي او قرض سيارة او اي نوع من انواع القروض التى تطرحها البنوك المصرية المحلية .
1. سعر الفايدة
2. طريقة تحويل المرتب
3. المصاريف الإدارية
4. الغرامات ورسوم السداد
5. الأوراق المطلوبة
اولا: سعر الفائدة
اول حاجة لازم تعرفها سعر الفائدة المقدم ومستعجلش لازم تسال اكثر من بنك عن سعر فائدة القرض خاصة فى ظل منافسة كبيرة من البنوك ووجود عروض بتقدمها البنوك لعملاء القروض وكمان عشان تعرف نظام الاقساط بحسب راتبك .
ثانيا : طريقة تحويل المرتب
من ضمن الحاجات اللي بتاثر على سعر الفائدة هو تحويل المرتب فهناك بنوك بتديك القرض بشرط تحويل المرتب وبنوك اخري بتديك قرض بتحويل القسط فقط وبنوك بتمنح القرض بدون تحويل المرتب وكل نوع من تلك الانواع لة سعر فائدة مختلف وهنا يجب التنوية إلى ان القرض مع تحويل المرتب هو اقل سعر فائدة عن النوعين السابقين .
ثالثا : المصاريف الادارية
حاجة اوعي تغفل عنها وهي انك تسال وتعرف وتقارن فى اكثر من بنك عن المصاريف الادارية و دي نسبة على مبلغ القرض بتتخصم من مبلغ القرض قبل ما تستلمه، عشان كده محتاج تدور على البنك صاحب أقل مصاريف إدارية.
رابعا : الغرامات ورسوم السداد
غرامات السداد المبكر او غرامات التاخير عن سداد الاقساط من الحاجات المهمة اللي لازم تعرفها وتقارن بينها خاصة ان الرسوم تختلف من بنك إلى اخري .
خامسا : الاوراق المطلوبة
الحاجة الخامسة والمهمة اللي لازم تعرفها وان بتقدم على قرض هي الاوراق المطلوبة ففي بنوك بتحتاج أوراق كتير جداً عشان تديلك القرض وفي بنوك العكس تماماً، فـ شوف ايه البنك اللي معاك معظم أوراقه ومش محتاج لف كتير عشان تقدر تستلم قرضك في أقرب وقت ممكن، والخطوة دي كمان هتستريح فيها لو كده كده عميل في القرض.
