إضافة المواليد على بطاقة التموين رجعت.. هل أنت من المستحقين؟

لو عندك عيل مش مضاف على بطاقة التموين، يبقى الخبر ده ليك.. دلوقتي تقدر تضيف اولادك على بطاقة التموين لفئات معينة،  الفئات دي بتشمل المستفيدين من تكافل وكرامة، وحاملي بطاقة الخدمات المتكاملة، والمستفيدين من معاش الضمان الاجتماعي، وأبناء وزوجات الشهداء، وأبناء الأسر البديلة، وكمان العمالة غير المنتظمة وفقًا للشروط المحددة.

التقديم بيكون من خلال بوابة مصر الرقمية، تدخل على خدمات التموين وتشوف إذا كانت خدمة إضافة أفراد الأسرة متاحة ليك، وبعدها تقرأ الشروط وتدخل بياناتك صح قبل إرسال الطلب.

لكن خلي بالك، لازم مقدم الطلب يكون رب الأسرة وصاحب البطاقة والأهم إن تقديم الطلب مش معناه الموافقة تلقائيًا، لأن الوزارة بتراجع البيانات ومدى استحقاق الأسرة للدعم.