السياحة دخلت كام مليار دولار لمصر؟.. الأرقام الجديدة تكشف المفاجأة

السياحة في مصر مش بس فسحة وصور قدام الأهرامات.. دي كمان مصدر مهم للدولار، بيدعم الاقتصاد وبيفتح فرص شغل لآلاف الشباب.

أحدث بيانات البنك المركزي كشفت إن إيرادات السياحة وصلت لـ18.4 مليار دولار خلال العام المالي 2025/2026، مقارنة بـ16.7 مليار دولار في السنة اللي قبلها، يعني زيادة 1.7 مليار دولار، وبنسبة نمو 10.3%.

الأرقام دي بتوضح أن كل سائح بييجي مصر مش بيفيد الفندق اللي بينزل فيه وبس، لكنه كمان بيحرك الطيران والنقل والمطاعم والأسواق والحرف اليدوية، وبيخلق فرص شغل في قطاعات كتير.

والهدف خلال الفترة الجاية هو الوصول لـ20 مليون سائح و20 مليار دولار، وده محتاج زيادة الرحلات الجوية، وتوسيع الطاقة الفندقية، وتسهيل إجراءات الدخول، وتطوير الخدمات السياحية.

والأهم مش بس أن عدد السياح يزيد، لكن كمان أن السائح يقعد مدة أطول، وينفق أكتر، ويحب التجربة ويرجع يزور مصر تاني. وده يتطلب خدمات أفضل وتجارب متنوعة تجمع بين الشواطئ والآثار والثقافة والترفيه.