مش بس عند سن الستين.. اعرف إمتى قانون التأمينات يديك حق المعاش

مش لازم تستنى سن المعاش عشان تعرف إنك ممكن تستحق معاش.. قانون التأمينات الاجتماعية والمعاشات حدد حالات تانية ممكن تديك الحق في صرف المعاش.

أول حالة هي بلوغ سن الشيخوخة، بشرط توافر مدة اشتراك في تأمين الشيخوخة والعجز والوفاة، والمدة المطلوبة بتبدأ من 120 شهرًا فعلية، وتزيد لـ180 شهرًا بعد مرور 5 سنوات من تطبيق القانون.

كمان المعاش ممكن يُصرف في حالات العجز الكامل أو العجز الجزئي المستديم، والوفاة، سواء أثناء العمل أو النشاط، أو خلال سنة من انتهاء الخدمة، بشروط محددة.

وفي بعض الحالات، ممكن يستحق الشخص المعاش حتى بعد مرور سنة على انتهاء الخدمة، بشرط استيفاء مدة الاشتراك المطلوبة وألا يكون بلغ سن الشيخوخة أو حصل على تعويض الدفعة الواحدة.

أما لو انتهت الخدمة لسبب تاني، فالقانون بيشترط مدد اشتراك أطول وشروطًا إضافية لاستحقاق المعاش.