8 ملايين جنيه معفاة من الضرائب.. مصر ترفع سقف الإعفاء للسكن الخاص

8 ملايين جنيه.. هو ده سقف الإعفاء الجديد للسكن الخاص من الضريبة العقارية في مصر.

الحد اتضاعف من مليوني جنيه لـ8 ملايين جنيه، ضمن حزمة التسهيلات الجديدة للضرائب العقارية.

لكن خد بالك.. الإعفاء مش معناه إن كل الوحدات لحد 8 ملايين مش عليها ضريبة تلقائيًا.

الإعفاء مخصص للسكن الخاص للأسرة، وعلشان تستفيد منه لازم تقدم الإقرار وتطلب الإعفاء للوحدة اللي بتعتبر السكن الخاص للأسرة.

والتقديم بقى إلكتروني من خلال تطبيق خدمات الضرائب العقارية، من غير الحاجة لزيارة المأمورية.

والتسهيلات الجديدة كمان بتشمل إجراءات إلكترونية لتقديم الإقرارات وسداد المديونيات وطلب الإعفاء.

والأهم إن مهلة تقديم الإقرارات اتـمدت حتى نهاية ديسمبر 2026، علشان أصحاب الوحدات يقدروا يستفيدوا من التيسيرات المتاحة.

يعني لو السكن الخاص للأسرة قيمته أقل من 8 ملايين جنيه، راجع موقفك وقدّم طلب الإعفاء إلكترونيًا بدل ما تسيب الموضوع من غير إجراء.