200 فرصة عمل للشباب في الواحات البحرية.. راتب يصل لـ9 آلاف جنيه وسكن و3 وجبات يوميًا
الأحد 27/سبتمبر/2026 - 04:30 ص
لو بتدور على فرصة شغل جديدة، وزارة العمل أعلنت عن 200 فرصة عمل للشباب بمهنة عامل نخيل داخل إحدى المزارع في الواحات البحرية بمحافظة الجيزة.
الوظائف دي بتقدم مجموعة من المميزات، أهمها راتب شهري شامل يوصل لـ9 آلاف جنيه، بالإضافة لمكافآت سنوية ممكن توصل لقيمة 4 شهور.
ومش بس كده، الوظائف بتوفر سكن داخل المزرعة، و3 وجبات يوميًا، وكمان وسائل انتقال أو بدل مواصلات، مع وجود تأمين اجتماعي وتأمين صحي.
أما نظام العمل، فهو 7 ساعات يوميًا، بواقع 23 يوم شغل و8 أيام إجازة.
والتقديم متاح للشباب من سن 20 لحد 40 سنة، من خلال المنصة الرسمية لوزارة العمل.
والوزارة أكدت أن الفرص دي بتيجي ضمن خطة توفير وظائف حقيقية وربط الشباب باحتياجات سوق العمل، مع التوسع في التعاون مع القطاع الخاص وتوفير بيئة عمل مناسبة وتحسين دخول العاملين.
