30 ألف جنيه مرتب.. وزارة العمل تعلن 1018 فرصة شغل في 3 محافظات

لو بتدور على شغل، ركز مع الخبر ده، لأن وزارة العمل أعلنت عن 1018 فرصة عمل جديدة داخل 7 شركات من القطاع الخاص، في 3 محافظات هي القاهرة وبني سويف وقنا.

والأهم أن المرتبات مش رقم واحد، لكنها بتختلف حسب الوظيفة والخبرة، وبتبدأ من 7000 جنيه، وتوصل لـ 30 ألف جنيه شهريًا لبعض الوظائف.

يعني مثلًا، أخصائي التوظيف مرتبه من 15 لـ20 ألف جنيه، ومشرف الأمن من 9500 لـ10 آلاف و500 جنيه، وأفراد الأمن من 7000 لـ9000 جنيه.

والوظائف متنوعة بين الأمن والحراسة، والهندسة والإنتاج والجودة والمخازن وتكنولوجيا المعلومات والتمويل.

والتقديم متاح من مديريات العمل، أو الإدارة العامة للتشغيل بمدينة نصر، وكمان من خلال الشركات نفسها والموقع الرسمي لوزارة العمل.

والوزارة أكدت متابعة جدية الشركات، وتطبيق الحد الأدنى للأجور، وضمان حقوق العاملين.