هل كيلو الطماطم هيوصل لـ 50 جنيه؟!.. شعبة الخضار تحسم الجدل
الثلاثاء 08/سبتمبر/2026 - 01:30 ص
سعر الطماطم هيوصل ل50 جنيه.. الأيام الأخيرة طلع كلام كتير جدا عن وصول أسعار الطماطم ل40 و50 جنيه للكيلو وأن فيه أزمة في الخضار الفترة الجاية.. لكن الحقيقة أن كل الكلام ده طلع فنكوش.
شعبة الخضار والفاكهة خرجت ونفت كل الكلام ده جملة وتفصيلا وأكدت أن الأسعار مستقرة وأن المحصول الصيفي مستمر معانا وموجود في الأسواق لشهر أكتوبر الجاي وما فيش أي أزمة.
وزارة الزراعة كمان كشفت أن تحركات الأسعار البسيطة بتبقى مجرد نقلة بين العروات الزراعية ومع نزول عروات جديدة زي عروة الأقصر المعروض هيزيد أكثر والأسعار هترجع تظبط وان الكلام اللي انتشر مجرد اشاعات غير صحيحة.
