الكتان المصري داخل على نقلة كبيرة.. الصين تبدأ الإنتاج بطاقة 4000 طن

الكتان المصري داخل على نقلة كبيرة.. والصين المرة دي مش جاية تشتري بس، دي جاية تصنّع من مصر.

مجموعة "كينجدوم" الصينية المتخصصة في خيوط الكتان تستعد لتشغيل مصنعها الجديد في مدينة السادات خلال الربع الأول من 2027.

المشروع باستثمارات حوالي 60 مليون دولار، وعلى مساحة 50 ألف متر مربع، بطاقة إنتاجية تصل لـ4 آلاف طن من غزل الكتان سنويًا.

والأهم إن الخطة مش مجرد إنتاج وخلاص.. لكن فيه تعاون مع المنتجين المحليين لتطوير الكتان المصري، ورفع جودة الألياف والغزل، وربط الصناعة المصرية بالأسواق الخارجية.

يعني من زراعة الكتان وتجهيز الألياف، للغزل والتصنيع والتصدير.. الهدف بناء سلسلة إنتاج متكاملة من مصر.

والصين شايفة إن الكتان المصري يقدر يرجع بقوة للأسواق العالمية.. والمصنع الجديد ممكن يكون خطوة مهمة في الطريق ده.