قبل ما تحول عربيتك للغاز.. اعرف الخطوات والأوراق المطلوبة وأهم المميزات

لو بتفكر تحول عربيتك من البنزين للغاز الطبيعي، فيه شوية خطوات لازم تعرفها قبل ما تبدأ.

أول حاجة العربية بتتعمل لها فحوصات فنية في مركز التحويل، علشان يتأكدوا أن حالة الموتور مناسبة، وكفاءته أكتر من 70%.

بعد كده بيتحدد طقم التحويل المناسب وسعة الأسطوانة، وبيتم تركيب منظم الضغط، والرشاشات، ووحدة التحكم الإلكترونية، مع تثبيت أسطوانة الغاز وتوصيل كل المكونات طبقًا لقواعد الأمان.

وبعد التركيب، بيتم ضبط منظومة التشغيل، واختبار التسريب، والتأكد من التبديل بشكل سليم بين البنزين والغاز، وبعدها العربية بتتجرب قبل تسليمها.

أما الأوراق المطلوبة، فهي صورتين من رخصة العربية، وصورتين من بطاقة الرقم القومي، وإيصال مرافق حديث، بالإضافة لضامن من الدرجة الأولى وبطاقته.

والتحويل ليه مميزات، أهمها تقليل تكلفة التشغيل، وتقليل الانبعاثات، والحفاظ على البيئة، وكمان تقليل الضغط على استهلاك البنزين.