المرتب قرب.. موعد صرف مرتبات سبتمبر 2026 للموظفين وموقف التبكير

موظفين الحكومة مستنيين شهر سبتمبر بفارغ الصبر.. والسؤال الأهم: المرتب هينزل إمتى؟

وزارة المالية أعلنت إن صرف مرتبات سبتمبر 2026 هيبدأ من يوم الخميس 24 سبتمبر، ومفيش أي قرار رسمي لحد دلوقتي بتبكير موعد الصرف.

وده طبعًا بييجي مع قرب بداية العام الدراسي الجديد، واللي بيحط أعباء ومصاريف زيادة على الأسر، من أدوات وكتب ومستلزمات مدرسية.

أما المتأخرات، فتم تحديد أيام 8 و9 و10 سبتمبر لصرفها.

والصرف هيستمر بعد كده أيام 27 و28 و29 و30 سبتمبر، حسب كل وزارة وهيئة والجهة التابع ليها الموظف.

وكمان المرتب ممكن يتصرف من الـATM، أو فروع البنوك، أو المحافظ الإلكترونية، وبطاقات ميزة وتطبيقات الدفع.

أما الحد الأدنى للأجور، فبيبدأ من 8100 جنيه للدرجة السادسة، ويوصل لـ 14 ألفًا و900 جنيه للدرجة الممتازة.

يعني من الآخر، مرتب سبتمبر في موعده المعلن، ومفيش تبكير رسمي حتى الآن.