900 مليار جنيه في البحر الأحمر.. "إعمار" تبدأ تنفيذ أضخم مشروعات الغردقة
900 مليار جنيه.. رقم ضخم جدًا داخل على البحر الأحمر، والسبب مشروع "مراسي البحر الأحمر" اللي بتبدأ "إعمار" تنفيذ تفاصيله على أرض الواقع.
المشروع بيتقام على مساحة تتجاوز 10 ملايين متر مربع، وبيستهدف تحويل المنطقة لوجهة سياحية عالمية متكاملة، مش مجرد منتجع سياحي.
المخطط كمان يتضمن إنشاء 12 فندقًا فاخرًا، ومراسي دولية لليخوت، وآلاف الغرف والوحدات، ومطاعم ومحال تجارية، ومناطق ترفيهية، عشان البحر الأحمر يبقى منافس قوي لأشهر الوجهات السياحية العالمية.
والمشروع مش بس هيغير شكل المنطقة سياحيًا.. لكن متوقع كمان يوفر من 150 لـ170 ألف فرصة عمل خلال مراحل التنفيذ والتشغيل، بالإضافة لحوالي 25 ألف وظيفة دائمة بعد اكتماله.
والأهم إن المشروع بييجي بعد نجاح تجربة "مراسي الساحل الشمالي"، في محاولة لتكرار التجربة على البحر الأحمر وجذب أعداد أكبر من السياح والاستثمارات.
يعني900 مليار جنيه داخلين على الغردقة، ومشروع ضخم ممكن يغير خريطة السياحة والاستثمار في البحر الأحمر بالكامل.
