وظائف المترو 2026.. اعرف الشروط والأوراق المطلوبة قبل ما باب التقديم يتقفل
الأحد 30/أغسطس/2026 - 08:00 ص
لو بتدور على شغل وبتفكر تقدم في وظائف مترو الأنفاق 2026 الشركة المصرية لإدارة وتشغيل مترو الأنفاق أعلنت عن وظائف جديدة بنظام التعاقد، وتشمل مشرف محطة وصراف تذاكر.
والتقديم بيتم إلكترونيًا من خلال الموقع الرسمي للشركة، ولازم ترفق المستندات المطلوبة، زي المؤهل العالي، وبطاقة الرقم القومي، وموقف التجنيد، وكمان شهادات الخبرة والدورات التدريبية لو موجودة.
أما الشروط، فلازم المتقدم يكون ذكر وعمره ما يزيدش عن 35 سنة، ويكون بيعرف يستخدم الكمبيوتر وعنده إلمام باللغة الإنجليزية.
وكمان لازم يجتاز اختبار تحديد مستوى الإنجليزي، والاختبارات الشخصية، والفحوصات الطبية والنفسية.
والأهم أن طبيعة الشغل بتحتاج القدرة على العمل بنظام الورديات.
