كرتونة البيض راحت لفين؟.. انخفاض جديد في الأسعار ومفاجأة من اتحاد الدواجن

أسعار البيض عملت مفاجأة النهارده.. والأسعار اللي كانت طالعة رجعت تنزل تاني.

كرتونة البيض الأبيض بقت بتتراوح من 85 لـ95 جنيه، بعد ما كانت بتوصل لـ110 جنيه.

أما البيض الأحمر، فسعر الكرتونة حاليًا من 90 لـ100 جنيه، مقارنة بـ105 و110 جنيه الفترة اللي فاتت.

والبيض البلدي لسه أعلى شوية، وسعر الكرتونة بيتراوح من 110 لـ130 جنيه حسب المنطقة ومكان البيع.

وده مش كل حاجة.. بعد الجدل اللي انتشر على السوشيال ميديا عن وجود سالمونيلا في البيض، الدكتور ثروت الزيني، نائب رئيس اتحاد منتجي الدواجن، أكد أن الكلام المتداول مش مبني على معلومات موثقة.

وقال إن البيض المحلي بيخضع لرقابة من مرحلة الإنتاج في المزارع لحد وصوله للأسواق.

وكشف كمان أن مصر عندها اكتفاء ذاتي من بيض المائدة، وفائض إنتاج حوالي 25%، يعني السوق المحلي مش بيعتمد على استيراد البيض.