15% زيادة.. صادرات مصر من الطباعة والتغليف بتكسر حاجز الـ620 مليون دولار في 7 شهور
الخميس 27/أغسطس/2026 - 01:00 ص
صادرات مصر مش بس بتزيد.. دي كمان بتفتح أسواق جديدة بره.. خلال أول 7 شهور من 2026، صادرات قطاع الطباعة والتغليف والورق حققت حوالي 620.6 مليون دولار، بزيادة 15% عن نفس الفترة من السنة اللي فاتت، وبفارق أكتر من 80 مليون دولار.
واللافت إن قطاع التغليف كان صاحب النصيب الأكبر، بصادرات وصلت لحوالي 393 مليون دولار، بينما سجلت صادرات الورق 202 مليون دولار.
أما الطباعة والكتب، فحققت أعلى معدل نمو بين قطاعات المجلس، بزيادة 20% لتوصل لـ22.8 مليون دولار.
والمنتجات المصرية بتوصل لأسواق كتير، من السودان وليبيا والسعودية والمغرب، لحد إيطاليا وبريطانيا وأمريكا واليابان.
وده معناه إن صناعة مصرية مش واخدة حقها في الكلام، بدأت تثبت نفسها بقوة في الأسواق الخارجية وتزود حصتها من التصدير.
