فاتورة الكهرباء غالية عليك؟.. 8 حيل بسيطة توفر استهلاكك في الصيف

فاتورة الكهرباء في الصيف ممكن تعلى بشكل ملحوظ، خصوصًا مع تشغيل التكييف لساعات طويلة.. بس تقدر تقلل الاستهلاك بخطوات بسيطة جدًا.

أول حاجة، اهتم بصيانة التكييف ونظافة الفلتر باستمرار، لأن الفلتر المتسخ بيخلي الجهاز يشتغل بمجهود أكبر.

وكمان متحطش اللمبات أو التليفزيون جنب منظم حرارة التكييف، لأن الحرارة اللي بتطلع منهم ممكن تخلي التكييف يشتغل وقت أطول.

حاول تضبط التكييف على درجة حرارة مناسبة، واستعين بالمروحة لتوزيع الهواء بدل ما تقلل درجة التكييف جدًا.

وفي وقت الحر، اقفل الستائر عشان تمنع دخول الشمس والحرارة للبيت.

وكمان قلل استخدام الفرن في الأيام شديدة الحرارة، وشغل الغسالة وغسالة الأطباق وهي مليانة.

ومتنساش اللمبات.. استبدل التقليدية بـLED لأنها أوفر وبتطلع حرارة أقل.

وأخيرًا، افصل الأجهزة اللي مش بتستخدمها من الكهرباء، خصوصًا لو هتسيب البيت فترة طويلة.