2.2 مليون فدان بيغيروا خريطة مصر.. دلتا زراعية جديدة بتطلع من قلب الصحراء

2.2 مليون فدان ممكن يغيروا شكل الزراعة في مصر بالكامل.. مصر بتوسع رقعتها الزراعية بعيد عن الوادي والدلتا القديمة، وبتشتغل على إنشاء مناطق زراعية ضخمة في قلب الصحراء، ضمن مشروعات استصلاح واستزراع بتستهدف زيادة الإنتاج وتقليل الفجوة الغذائية.

الفكرة مش مجرد زراعة أراضي جديدة، لكن إنشاء مجتمعات ومناطق إنتاج متكاملة، فيها زراعة وتصنيع وخدمات، وده بيفتح الباب قدام فرص استثمار وشغل جديدة في المناطق الصحراوية.

ومع دخول ملايين الأفدنة ضمن خطط الاستصلاح، خريطة مصر الزراعية بتتغير تدريجيًا، والصحراء اللي كانت مساحات شاسعة من الأراضي غير المستغلة بتتحول لمناطق إنتاج.

والـ2.2 مليون فدان هنا مش مجرد رقم كبير.. دي مساحة ضخمة ممكن تعمل فرق حقيقي في حجم الإنتاج الزراعي، وتدعم الأمن الغذائي، وتقلل الضغط على الأراضي القديمة.

يعني نقدر نقول ان مصر مش بس بتزرع الصحراء، دي بتحاول تعمل "دلتا جديدة" بعيد عن الدلتا القديمة.