بطاقتك التموينية واقفة؟.. اعرف إزاي تحدث بياناتك أونلاين خطوة بخطوة
بطاقة التموين بتاعتك متوقفة وعاوز تحدث بياناتها؟ وزارة التموين أتاحت خدمة إلكترونية تقدر من خلالها تحدث البيانات وأنت في مكانك.
كل اللي عليك تدخل على منصة مصر الرقمية، وتختار خدمات التموين، وبعد كده تدخل على خدمة استمارة تحديث بيانات المواطن.
اقرأ الشروط كويس ووافق عليها، وبعدها اكتب بياناتك بدقة، زي الرقم القومي ورقم بطاقة التموين والعنوان ورقم الموبايل المسجل باسم صاحب البطاقة.
وخلي بالك.. قبل ما تبعت الطلب راجع كل البيانات كويس، وبعدها دوس إرسال لاستكمال عملية التحديث.
أما عن الأوراق المطلوبة، فمن أهمها بطاقات الرقم القومي للزوج والزوجة، وإيصال مرافق حديث، ووثيقة الزواج، وشهادات ميلاد الأبناء، وكمان بيانات المؤهل الدراسي والممتلكات لو مطلوبة.
ولو في أحد أفراد الأسرة من ذوي الإعاقة، ممكن تحتاج كارت الخدمات المتكاملة.
يعني قبل ما تبدأ جهز بياناتك وأوراقك.. وراجع كل حاجة كويس عشان طلبك يتم بنجاح.
