مصر بتدخل سباق الذكاء الاصطناعي.. «كرنك تشات» مساعد ذكي فاهم العربي والمصري
تخيل يبقى عندنا مساعد ذكي مصري، فاهم العربي كويس، وكمان بيتعامل مع العامية المصرية والسياق بتاعنا!
ده اللي بتحاول وزارة الاتصالات تعمله من خلال الإطلاق التجريبي لـ «كرنك تشات»، وهو نظام محادثة ذكي مبني على نموذج «كرنك»، واللي طوره مهندسين وباحثين مصريين داخل مركز الابتكار التطبيقي.
النموذج اتدرب على بيانات ووثائق مصرية وعربية، عشان يبقى أقدر على فهم اللغة والسياق الثقافي في المنطقة.
والهدف مش مجرد شات ذكي، لكن بناء قاعدة تقدر الشركات والمطورين يعتمدوا عليها في تطوير تطبيقات ذكاء اصطناعي محلية.
كمان «كرنك» بيدعم تشغيل الحلول المبنية عليه داخل مراكز بيانات مصرية، وده بيساعد في تعزيز السيادة الرقمية.
أما «كرنك تشات»، فالمستخدمين يقدروا يجربوه من خلال الموقع الرسمي، وكمان فيه تطبيق للموبايل، والمطورين يقدروا يحصلوا على نسخة مجانية من النموذج عبر منصة هاجينج فيس.
