من الخام لمنتجات أغلى.. خطة البترول لتعظيم إنتاج معامل السويس والنصر

معامل البترول في السويس داخلة على مرحلة تطوير جديدة، ووزير البترول كريم بدوي أكد أن رفع كفاءة شركتي النصر للبترول والسويس لتصنيع البترول أولوية خلال الفترة الجاية.

الوزير وجّه بزيادة كميات الخام اللي بتوصل للشركتين، بهدف رفع التشغيل والإنتاج والاستفادة من كل برميل خام بأعلى قيمة ممكنة.

وفي شركة النصر للبترول، تم تكرير حوالي مليون ونص طن خام خلال العام المالي الماضي، وده ساهم في زيادة إنتاج البنزين بشكل كبير، من 151 ألف طن لـ637 ألف طن، والسولار من 234 ألف لـ329 ألف طن.

أما شركة السويس لتصنيع البترول، فكررت حوالي مليون و400 ألف طن خام، مع استمرار تنفيذ مشروع مجمع التفحيم وإنتاج السولار.

والمشروع ده مهم لأنه بيحوّل المنتجات الأقل قيمة لمنتجات بترولية أعلى قيمة، وده يساعد على زيادة الإنتاج المحلي وتقليل فاتورة الاستيراد.

والوزير شدد كمان على الالتزام الكامل بالسلامة ورفع جاهزية الطوارئ داخل الشركات.