البسكويت المصري بيغزو العالم.. الصادرات تقفز لـ151 مليون دولار خلال سنة
البسكويت المصري مش بس موجود على رفوف المحلات.. ده كمان بيحقق أرقام قوية في الأسواق العالمية.
صادرات مصر من البسكويت الحلو سجلت حوالي 151 مليون دولار خلال 2025، بزيادة ضخمة وصلت لـ117% مقارنة بـ2024.
والكميات المصدرة وصلت لحوالي 41 ألف طن، وده بيعكس النمو الكبير اللي حققته الصناعة المصرية خلال الفترة الأخيرة.
طيب مين أكتر الدول اللي بتستقبل البسكويت المصري؟
السعودية جاءت في المركز الأول بصادرات وصلت لـ46 مليون دولار، وبعدها الإمارات بـ15 مليون دولار، ثم المملكة المتحدة بـ12 مليون دولار.
وكمان دخلت الكويت وأستراليا ضمن أكبر الأسواق المستقبلة للمنتج المصري.
والميزة أن المصانع المصرية عندها قدرة تنافسية كبيرة، بفضل انخفاض تكاليف التصنيع وتطور التكنولوجيا المستخدمة.
وعالميًا، سوق البسكويت الحلو ضخم جدًا، ووصلت قيمة وارداته لـ13.4 مليار دولار خلال 2025.
والفترة الجاية فيه برامج تدريبية لمساعدة الشركات المصرية على دخول الأسواق الأوروبية وزيادة صادراتها.
