الدهب عامل مفاجأة جديدة.. 370 جنيه زيادة في عيار 21 خلال أسبوع
لو بتفكر تشتري دهب أو تبيع اللي معاك، خد بالك من اللي حصل في السوق خلال الأسبوع اللي فات.
أسعار الدهب في مصر شهدت قفزة كبيرة، وعيار 21، اللي هو الأكثر تداولًا، زاد حوالي 370 جنيه في أسبوع واحد، بنسبة وصلت لـ5.92%، وسجل 6625 جنيه للجرام.
أما عيار 24 فوصل لحوالي 7571 جنيه، وعيار 18 سجل 5678 جنيه، بينما وصل سعر الجنيه الدهب لـ53 ألف جنيه.
والسبب الرئيسي في الارتفاع هو صعود الدهب عالميًا، مع زيادة الإقبال عليه كملاذ آمن، بسبب التوترات الجيوسياسية وتراجع توقعات تشديد السياسة النقدية الأمريكية.
الأوقية عالميًا وصلت لحوالي 4605 دولارات، بعد مكاسب قوية خلال الأسبوع.
لكن هل الدهب هيكمل صعوده؟
التوقعات لسه بتميل للصعود، خصوصًا مع استمرار مشتريات البنوك المركزية وزيادة الطلب الاستثماري، لكن الأسعار هتفضل مرتبطة بالدولار وقرارات الفيدرالي والتطورات العالمية.
