حج القرعة 2027.. قبل ما يفوتك الموعد اعرف طريقة التقديم والأوراق المطلوبة
الجمعة 21/أغسطس/2026 - 04:30 ص
لو ناوي تقدم في حج القرعة 2027.. متستناش لآخر لحظة، لأن باب التقديم مفتوح لحد الخميس 27 أغسطس 2026.
والتقديم متاح بـ3 طرق: في مراكز وأقسام الشرطة، أو إلكترونيًا من خلال موقع وزارة الداخلية، وكمان عن طريق الخدمة الصوتية.
ولو هتقدم، هتحتاج بطاقة الرقم القومي السارية، وبيانات حالتك الصحية، بالإضافة لرقم تليفونك الشخصي ورقم تليفون قريب للتواصل وقت الضرورة. ولو فيه مرافق، لازم تسجل بياناته كمان.
وخد بالك.. الاسم لازم يكون مطابق تمامًا لبطاقة الرقم القومي، والبطاقة لازم تكون سارية لمدة 6 شهور على الأقل.
وكمان مينفعش تقدم في أكتر من جهة لتنظيم الحج في نفس الوقت. يعني لو نفسك تكون من الفائزين في حج القرعة 2027.. قدامك فرصة لحد 27 أغسطس، فماتأجلش التقديم لآخر يوم.
