المانجا الجولك طعمها حكاية.. بس ليه مشهورة أقل من السكري والزبدية؟
الجمعة 14/أغسطس/2026 - 02:00 ص
لو بتحب المانجا، أكيد سمعت عن السكري والزبدية والعويس.. لكن سمعت قبل كده عن مانجا الجولك؟
الجولك من الأصناف اللي ليها طعم ورائحة مميزة، ولبها عصيري وحلو، وبتتزرع في مناطق زي الإسماعيلية والشرقية والبحيرة والنوبارية.
طب رغم كل ده.. ليه مش واخدة نفس شهرة السكري والزبدية؟
السبب ببساطة إن المصريين اتعودوا على أصناف معينة، خصوصًا اللي طعمها شديد الحلاوة ولبها غني، وكمان الجولك لسه انتشارها التجاري أقل، فناس كتير أصلًا مجربتهاش. يعني ممكن تكون مانجا مظلومة إعلاميًا أكتر ما هي وحشة في الطعم.
