فلوس كتير وهدف أكبر.. جنوب الوادي تضخ 250 مليون دولار لزيادة إنتاج البترول

250 مليون دولار على الخط.. وجنوب الوادي بتجهز لزيادة إنتاج البترول.

شركة جنوب الوادي المصرية القابضة للبترول أعلنت عن استهداف استثمارات بحوالي 250 مليون دولار خلال الـ5 سنين الجاية، بهدف زيادة الإنتاج وتعظيم الاستفادة من فرص البحث والاستكشاف.

والفلوس دي مش هتروح في اتجاه واحد.. الخطة تشمل التوسع في أنشطة البحث والاستكشاف والإنتاج، ودمج مناطق تنمية البركة، ودراسة مناطق استكشافية جديدة، بالإضافة لتنفيذ مسح سيزمي في جنوب الصحراء الغربية.

واللافت إن الشركة وصلت بالفعل لأعلى مستوى إنتاج في تاريخها.. والاستثمارات الجديدة تستهدف البناء على النتائج دي ورفع الإنتاج بشكل أكبر.

وده جزء من خطة أوسع لقطاع البترول، اللي بيستهدف زيادة أنشطة البحث والاستكشاف والإنتاج بنحو 20% خلال العام الجاري، مع التركيز على زيادة الإنتاج المحلي وتقليل فاتورة الاستيراد.

يعني مصر بتحاول تزود التنقيب، تكتشف احتياطيات جديدة، وترفع إنتاجها المحلي.

والـ250 مليون دولار بتوع جنوب الوادي ممكن يكونوا خطوة مهمة في الطريق ده.

السؤال بقى.. هل الاستثمارات الجديدة تقدر تحقق قفزة أكبر في إنتاج البترول المصري؟