18 مليار جنيه.. CIB يدخل بقوة في مشروع عقاري ضخم
عمرك سألت نفسك.. البنك اللي بتحط فيه فلوسك، ممكن يكون ليه علاقة بالعمارة أو المدينة اللي إنت ساكن فيها.
الحقيقة إن البنوك مش بس حسابات وكروت وقروض، دي كمان ممكن تكون شريك أساسي في بناء مدن ومشروعات عقارية ضخمة!
وده اللي بيعمله البنك التجاري الدولي CIB، اللي بيدعم قطاع التطوير العقاري من خلال تمويل مشروعات كبيرة، وفي نفس الوقت بيقدم حلول تمويلية تساعد المواطنين على تملك الوحدات السكنية.
ومن أحدث التحركات، مشاركة البنك في ترتيب وإدارة تمويل مشترك بقيمة 18 مليار جنيه لمدة 10 سنين لصالح شركة أوراسكوم العقارية، لدعم استكمال تطوير مشروع "أو ويست" في غرب القاهرة.
طب إيه أهمية التمويل ده؟
ببساطة.. المطور العقاري محتاج تمويل عشان يبني، والمواطن محتاج حلول تمويل عشان يشتري، والبنك هنا بيساعد في ربط الطرفين.
والأهم إن قطاع العقارات بيحرّك معاه صناعات كتير.. من الحديد والأسمنت، للتشطيبات والنقل والخدمات، ويوفر فرص عمل. يعني في النهاية.. دور البنك مش بس تمويل مشروع.. لكنه ممكن يكون جزء من حركة الاستثمار والنمو العمراني في مصر.
