الدولار يقلب الطاولة في مصر ويتجاوز 51 جنيه.. والأموال الساخنة تضغط بقوة على الجنيه
هو ليه الدولار رجع يرفع من جديد ؟ وليه الجنيه فقد جزء من المكاسب اللي حققها خلال اليومين اللي فاتوا؟ وهل اللي بيحصل سببه نقص في العملة الأجنبية ولا فيه عوامل تانية بتحرك السوق؟ وإيه علاقة الأموال الساخنة والتوترات الجيوسياسية بكل اللي بيحصل؟ والأهم هل الارتفاع الحالي بيعكس أزمة جديدة ولا بس تحرك مرتبط بظروف السوق؟
الدولار سجل مكاسب جديدة وأنهى المكاسب اللي كان الجنيه حققها خلال اليومين الماضيين ووصل سعر الدولار إلى أكثر من 51 جنيه في معظم البنوك المصرية وده معناه إن السوق شهد ضغوط جديدة على الجنيه بالتزامن مع تغيرات واضحة في حركة رؤوس الأموال الأجنبية داخل سوق الدين المحلي.
طيب إيه السبب الرئيسي وراء الارتفاع ده؟
السبب الأبرز هو تخارج جزء من الأموال الساخنة من أدوات الدين المصرية مع عودة التوترات الجيوسياسية في المنطقة لأن النوع ده من الاستثمارات بيتحرك بسرعة كبيرة بين الأسواق حسب مستوى المخاطر ولما التوترات بتزيد بعض المستثمرين بيفضلوا تقليل استثماراتهم في الأسواق الناشئة والاتجاه إلى أصول يعتبرونها أكثر أمانا وده بيخلق طلبا أكبر على الدولار ويضغط على الجنيه.
و هل الأرقام فعلا بتؤكد خروج استثمارات من السوق المصري ؟
تعاملات العرب والأجانب في السوق الثانوية للدين الحكومي سجلت صافي بيع بقيمة 442 4 مليون دولار خلال تعاملات أمس الثلاثاء بعد ما كانت 37 1 مليون دولار فقط يوم الاثنين وده بيوضح إن وتيرة التخارج زادت بشكل واضح خلال يوم واحد فقط ومع استمرار التوترات في المنطقة شهد الأسبوع الماضي بالكامل صافي خروج للأموال الساخنة بلغ 1 46 مليار دولار.
طب هل ده معناه إن المستثمرين خرجوا بشكل دائم أو إن مصر فقدت جاذبيتها؟
طبعا لا.. لأن الصورة الكاملة مختلفة تماما فخلال شهر يونيو سجلت السوق الثانوية للدين الحكومي صافي شراء بلغ 8 76 مليار دولار كما سجل الربع الثاني من 2026 صافي تدفقات للأموال الساخنة بقيمة 11 66 مليار دولار وده معناه إن التخارجات الحالية جاءت بعد فترة شهدت دخول استثمارات كبيرة وبالتالي فإن حركة هذه الأموال بطبيعتها تتغير وفقا للظروف العالمية والإقليمية.
طيب أسعار الدولار وصلت لفين في البنوك؟
أعلى سعر سجلته بنوك أبوظبي الإسلامي والتنمية الصناعية وأبوظبي الأول وقناة السويس وبيت التمويل الكويتي عند مستوى 51 34 جنيه للشراء مقابل 51 44 جنيه للبيع بينما جاء أقل سعر في بنك الإمارات دبي الوطني عند مستوى 50 40 جنيه للشراء مقابل 50 50 جنيه للبيع وفي بنوك الأهلي المصري ومصر وفيصل الإسلامي وكريدي أغريكول والمصرف المتحد وسايب سجل الدولار 51 25 جنيه للشراء و51 35 جنيه للبيع أما في البنك المركزي المصري فسجل 50 96 جنيه للشراء و51 10 جنيه للبيع.
و هل ارتفاع الدولار الحالي يلغي التحسن اللي حققه الجنيه خلال الفترة الماضية؟
لا لأن الجنيه أنهى عام 2025 بأداء قوي بعدما ارتفع بنسبة 6 7 بالمئة أمام الدولار منذ بداية العام الماضي واستفاد من تحسن مصادر النقد الأجنبي واستعادة السيولة داخل القطاع المصرفي وده معناه إن التحركات الحالية بتيجي في ظل متغيرات جديدة وليست امتدادا لنفس الظروف اللي كانت موجودة قبل شهور.
