لو كارت العداد ضاع.. اعمل 5 خطوات ورجع النور

لو ضاع منك كارت شحن عداد الكهرباء، متقلقش، حتى لو أنت مستأجر، تقدر تطلع بدل فاقد في نفس اليوم ومن غير ما يضيع رصيدك. كل اللي عليك تجهز محضر فقد من قسم الشرطة، وعقد الإيجار، وصورة بطاقة الرقم القومي، وكمان رقم العداد أو إيصال شحن قديم، ولو حد هيخلص مكانك لازم يكون معاه توكيل رسمي. 

بعد كده تروح شركة الكهرباء التابع ليها العداد، والموظف هيراجع بيانات العداد والرصيد الموجود عليه، وبعدها تدفع رسوم استخراج الكارت الجديد.

أول ما تستلمه هيتم تفعيله فورًا، وتقدر تشحنه وتستخدمه عادي جدًا، والأهم أن الرصيد المخزن على العداد مش بيروح، لأنه محفوظ إلكترونيًا، عشان كده احتفظ دايمًا بصورة لرقم العداد أو إيصالات الشحن على موبايلك، ولو الكارت ضاع بلغ بسرعة، علشان تحمي حساب العداد وتتجنب أي مشاكل أو انقطاع مفاجئ للكهرباء، وخليك دايمًا محتفظ بنسخة من عقد الإيجار معاك.