قبل طرحها بأيام.. اعرف مين ليه الأولوية في شقق الإيجار التمليكي

لو ناوي تقدم على شقق الإيجار التمليكي، يبقى لازم تعرف مين الفئات اللي فرصتها أكبر في الحصول على وحدة.

الطرح الجديد بيستهدف في المقام الأول محدودي ومتوسطي الدخل، خاصة اللي مش قادرين يوفروا مقدمات كبيرة لشراء شقة. 

ومن الفئات اللي ليها أولوية كمان الشباب وحديثو الزواج، لأن النظام معمول بالأساس علشان يوفر لهم فرصة سكن مناسبة من غير أعباء مالية كبيرة في البداية.

كمان بيستفيد المطلقات والأرامل، بالإضافة إلى المواطنين اللي ماعندهمش وحدة سكنية مملوكة وبيبحثوا عن سكن مستقر. 

لكن علشان تقدر تقدم، لازم تكون مصري الجنسية، عمرك 21 سنة أو أكتر، وما تكونش استفدت قبل كده من وحدة إسكان حكومي أو دعم تمويل عقاري، مع استيفاء شروط الدخل وباقي المستندات المطلوبة. 

لو بتنطبق عليك الشروط، جهز أوراقك من دلوقتي، لأن باب الحجز هيتم فتحه خلال أيام، والإقبال على الوحدات متوقع يكون كبير.