إنستاباي بيحذر: رسالة واحدة ممكن تفضي حسابك

إنستاباي طلع تحذير عاجل لكل المستخدمين، وقال إن فيه محاولات نصب إلكتروني بقت تستهدف الحسابات البنكية بشكل كبير. 

أخطر حاجة إن أي حد يكلمك ويطلب منك رمز التحقق أو الـOTP، لأن الكود ده خاص بيك إنت وبس، ومفيش موظف بنك أو خدمة عملاء هيطلبه منك نهائي. 

كمان متشاركش الرقم السري، أو بيانات بطاقتك البنكية، أو الرقم القومي، لأن المعلومات دي ممكن تخلي النصاب يوصل لحسابك ويسحب فلوسك،  إنستاباي أكد أن الحفاظ على سرية بياناتك هو أول خطوة لحماية فلوسك. 

ولو بتستخدم التطبيق، لازم كمان تعرف الرسوم الحالية للتحويل، وهي واحد من عشرة في المية من قيمة التحويل، بحد أدنى خمسين قرش وحد أقصى عشرين جنيه.

أما حدود التحويل، فالمعاملة الواحدة لحد سبعين ألف جنيه، والحد اليومي 120 ألف، والشهري 400 ألف جنيه
ولازم تفهم كويس جدًا أن دقيقة إهمال ممكن تكلفك كل اللي في حسابك.