بتبدأ من 150 ألف.. أرخص عربيات 7 راكب في سوق المستعمل
الإثنين 20/يوليو/2026 - 04:30 ص
بتبدأ من 150 ألف.. لو بتدور على عربية عائلية واسعة تشيل العيلة كلها وتتحمل معاك السفر والمشاوير الطويلة وميزانيتك مش جايبة الزيرو فالتقرير ده ليك.
سوق المستعمل في مصر دلوقتي فيه تشكيلة عربيات 7 راكب أسعارها بتبدأ من أول 150 ألف جنيه بس.. أيوة زي ما سمعت كدا.. هتركب الكل وتوفر فلوسك وبخيارات كتير تناسب كل الميزانيات.
لو بتدور على وحش اعتماد فعندك الأسد الفرنسي بيجو 504 ستيشن وموديلاتها من 1976 لـ 1981 بتعمل من 150 لـ 180 ألف جنيه.
ولو عايز أوتوماتيك ودلع فكيا كارينز من 2009 لـ 2012 عاملة من 510 لـ 720 ألف وسوزوكي إرتيجا الاقتصادية موديل 2015 في حدود 550 ألف.
أما الياباني تويوتا أفانزا من 2008 لـ 2012 فبتعمل من 450 لـ 550 ألف والماليزي بروتون إكسورا التيربو من 2012 لـ 2016 من 450 لـ 600 ألف وطـبعاً كل عربية ليها ميزتها ومساحتها.
