ضاع كارت الكهرباء؟.. اعرف إزاي تستخرجه تاني لو أنت مستأجر

لو كارت شحن عداد الكهرباء ضاع، متقلقش.. خصوصًا لو أنت مستأجر، لأن فيه خطوات بسيطة تقدر بيها تستخرج كارت جديد وتحافظ على حقك.

أول حاجة، لازم تحرر محضر فقد في قسم الشرطة التابع ليه مكان السكن. بعد كده، تجهز صورة من التوكيل مع الأصل للاطلاع، وكمان عقد إيجار موثق وساري يثبت إنك المستأجر الحالي.

بعدها، تروح شركة توزيع الكهرباء التابع ليها العداد، ومعاك صورة واضحة للعداد يظهر فيها رقمه، وصورة بطاقة الرقم القومي مع الأصل للمراجعة.

بعد استكمال المستندات وسداد رسوم استخراج بدل الفاقد، بيتم إصدار كارت جديد وتفعيله في نفس اليوم، علشان تقدر تشحن العداد وتستخدمه بشكل طبيعي من غير تعطيل.

ولو الكارت ضاع، بلاش تأجل الإجراءات، لأن سرعة الإبلاغ واستخراج البديل هتوفر عليك أي مشكلة في شحن العداد أو انقطاع الكهرباء بعد نفاد الرصيد.