سبب مفاجئ قد يرفض تظلم تكافل وكرامة.. والأبناء في المدرسة كلمة السر
لو قدمت تظلم على برنامج تكافل وكرامة ولسه الطلب مرفوض، ممكن يكون السبب مش في الأوراق.. لكن في غياب الأبناء عن المدرسة.
برنامج تكافل وكرامة بيشترط إن الأسر المستفيدة تلتزم بتعليم أولادها، ووجودهم في المدرسة بشكل منتظم.
ولو نسبة الغياب زادت عن الحد المسموح، ده ممكن يأثر على استمرار صرف الدعم أو قبول التظلم.
عشان كده، لازم ولي الأمر يتابع حضور الأبناء باستمرار، ويتأكد إن بياناتهم الدراسية محدثة، لأن انتظامهم في التعليم يعتبر من الشروط الأساسية للاستفادة من البرنامج.
ولو حصل رفض للتظلم، راجع سبب الرفض بدقة، وحدّث أي بيانات ناقصة، وقدّم المستندات المطلوبة من خلال الوحدة الاجتماعية المختصة أو القنوات الرسمية، علشان تزيد فرص قبول الطلب.
يعني متابعة الأبناء في المدرسة مش بس مهمة لمستقبلهم، لكنها كمان ممكن تكون سببًا في استمرار حصول الأسرة على دعم تكافل وكرامة.
