إزاي مصر بقت رقم 1 في الإسكواش؟.. قصة ناس كتير متعرفهاش عن دور CIB
لو سألتك إيه أول حاجة تيجي في بالك لما تسمع اسم CIB؟، أكيد هتقول بنك
لكن هل كنت تعرف إن البنك ده بقى واحد من أهم الأسباب اللي ساعدت مصر تفضل رقم واحد عالميًا في الإسكواش؟
القصة بدأت من أكتر من 10 سنين، لما CIB قرر إن دعمه للرياضة ميكونش مجرد رعاية بطولة وخلاص، لكنه يستثمر في لعبة مصر أصلًا متفوقة فيها.
دعم الاتحاد المصري للإسكواش، ورعى أكبر البطولات العالمية اللي بتتقام في مصر، وكمان وقف جنب نجوم كبار وصل عددهم لـ16 بطل عالمي زي علي فرج، ونوران جوهر، وهانيا الحمامي، وكريم عبد الجواد وغيرهم كتير.
وموقفش عند أبطال النهارده، لكن كمان استثمر في أبطال بكرة، من خلال دعم اكتشاف المواهب، والشراكة مع أكاديمية كريم درويش، ومبادرات للأطفال وذوي الهمم.
والنتيجة؟.. مصر بقت عاصمة الإسكواش في العالم، وأبطالها متصدرين التصنيفات العالمية، ومع دخول الإسكواش لأولمبياد لوس أنجلوس 2028، الفرصة بقت أكبر إننا نشوف أول ميدالية أولمبية مصرية في اللعبة.
اللي عمله CIB بيثبت إن المسؤولية المجتمعية مش مجرد شعار، لكن ممكن تبقى مشروع يصنع أبطال، ويرفع اسم مصر في العالم.
