غلطة ممكن توقف بطاقة التموين.. اتأكد إنك مش واقع فيها
الأحد 19/يوليو/2026 - 05:30 ص
لو معاك بطاقة تموين.. في حالتين ممكن يتسببوا في إيقاف بطاقة التموين، حتى لو كنت مستحقًا للدعم.
أول حالة:
إنك ما تستخدمش البطاقة في صرف الخبز أو السلع التموينية لمدة 6 شهور متتالية، لأن ده بيعتبر عدم استفادة فعلية من الدعم.
تاني حالة:
عدم تحديث بيانات البطاقة، زي استمرار تسجيل شخص متوفى، أو وجود مستفيد مسافر خارج مصر لأكثر من 6 شهور من غير تعديل البيانات في مكتب التموين.
ولو بطاقتك اتوقفت.. لسه فيه حل.
كل اللي عليك هو التوجه لمكتب التموين التابع ليك، وتحديث البيانات وتقديم المستندات المطلوبة، أو تقديم تظلم إذا كنت مستحقًا للدعم، وبعد مراجعة الحالة يمكن إعادة تفعيل البطاقة إذا استوفيت الشروط.
بس نصيحة مهمة راجع بيانات بطاقتك أولًا بأول، وأي تغيير في أفراد الأسرة أو البيانات بلّغ عنه فورًا، علشان الدعم يفضل مستمر من غير أي مشاكل.
