قبل ما تنقل عداد الكهرباء.. خطوة واحدة ممكن تكلفك غرامة ومحضر

لو هتنقل من شقة لشقة، أو من محل لمكان تاني.. اسمع المعلومة دي كويس.

كتير من الناس بيفكروا يفكوا عداد الكهرباء وينقلوه بنفسهم أو عن طريق كهربائي، من غير ما يبلغوا شركة الكهرباء.

لكن اللي ناس كتير متعرفوش، إن العداد مرتبط بالمكان المتعاقد عليه، ومينفعش يتنقل إلا بعد موافقة الشركة واتخاذ الإجراءات الرسمية.

ولو نقلت العداد من غير إخطار، ممكن تعتبرها الشركة مخالفة، وتوصل العقوبة لتحرير محضر سرقة تيار، مع غرامات مالية، واتخاذ إجراءات قانونية، حسب حالة المخالفة.

والتصرف الصح بسيط
تتقدم بطلب رسمي لشركة توزيع الكهرباء، وهي اللي بتعمل المعاينة، ولو النقل مسموح بيتم عن طريق الفنيين المختصين.

متغامرش علشان توفر وقت أو مصاريف.. لأن الغلطة دي ممكن تكلفك أضعاف اللي كنت هتدفعه بالإجراءات القانونية.