غلطة بسيطة في التكييف ممكن تضيع البيت كله.. اعرف تحمي نفسك إزاي

مع ارتفاع درجات الحرارة، بيزيد استخدام التكييفات.. لكن فيه عادات بسيطة ممكن تتحول لكارثة لو استمريت فيها.

أول غلطة.. تشغيل التكييف لساعات طويلة من غير راحة، لأن ده ممكن يسبب سخونة زائدة في بعض المكونات.

تاني غلطة.. إهمال الصيانة.. لو التكييف بقاله فترة من غير تنظيف أو كشف على التوصيلات الكهربائية، يبقى لازم تعملها قبل ما يحصل عطل مفاجئ.

كمان، لازم تتأكد إن الأسلاك والفيشة بحالة كويسة، ومفيش تحميل زيادة على نفس المشترك الكهربائي.

ولو شميت ريحة شياط، أو سمعت صوت غريب، أو لاحظت شرر أو دخان.. افصل الكهرباء فورًا، ومتجربش تشغل التكييف تاني قبل ما يفحصه فني متخصص. 

دقايق صيانة كل فترة.. ممكن تحمي بيتك وأسرتك من حريق أنت في غنى عنه.