شقق الإسكان الجديدة.. اعرف إذا كنت من المستحقين قبل التقديم
لو مستني تطرح شقق الإسكان الجديدة، اسمع الكلام ده كويس قبل ما تبدأ إجراءات التقديم.
مش أي حد يقدر يحجز وحدة سكنية، لأن وزارة الإسكان حددت مجموعة من الشروط لازم تكون متوفرة في المتقدم.
أول شرط، إن المتقدم يكون مصري الجنسية، وشخصًا طبيعيًا، يعني التقديم مش متاح للشركات أو المؤسسات.
كمان، لازم ميكونش سبق لك أو لأي فرد من أسرتك الاستفادة بوحدة سكنية أو قطعة أرض ضمن مشروعات الإسكان المدعومة من الدولة، وفقًا لشروط الطرح.
ومن ضمن الشروط أيضًا، الالتزام بحدود الدخل المحددة في كراسة الشروط، مع تقديم المستندات المطلوبة لإثبات استيفاء جميع الضوابط.
ولو انطبقت عليك الشروط، تقدر تبدأ إجراءات الحجز فور فتح باب التقديم، لكن أهم خطوة قبل أي حاجة هي قراءة كراسة الشروط بالكامل، لأنها هتوضح كل التفاصيل الخاصة بالفئات المستحقة، والأسعار، وأنظمة السداد، والمستندات المطلوبة.
يعني قبل ما تدفع أي مقدم أو تجهز أوراقك.. اتأكد الأول إنك من الفئات اللي يحق لها التقديم، عشان متضيعش وقتك ولا فلوسك.
