بكاميرا موبايلك.. سجل قراءة الغاز وادفع الفاتورة في دقائق

لسه مستني المحصل ييجي يسجل قراءة عداد الغاز؟ دلوقتي الموضوع بقى أسهل بكتير.

كل اللي عليك تنزل تطبيق بتروميتر، وتفتح التطبيق، وتسجل بيانات وحدتك السكنية، وبعدها توجه كاميرا الموبايل على عداد الغاز.

التطبيق هيقرأ الأرقام الموجودة داخل الإطار الأسود تلقائيًا، ويسجل القراءة على قاعدة بيانات الشركة، من غير ما تكتبها بنفسك.

وبعدها تقدر تعرف قيمة فاتورتك وتسددها إلكترونيًا.

ولو مش حابب تستخدم التطبيق، تقدر كمان تسجل القراءة من خلال موقع بتروتريد، أو تستخدم وسائل الدفع الإلكتروني المختلفة زي المحافظ الإلكترونية، وفوري، وأمان، ومصاري، ومكاتب البريد.

ومتنساش.. تسجيل قراءة العداد بيكون خلال الفترة المحددة كل شهر، علشان تتجنب إصدار فاتورة تقديرية مبنية على متوسط الاستهلاك، وتدفع على قد استهلاكك الفعلي.