عداد الكهرباء في خطر.. أخطاء ممكن تخليك تخسره نهائيًا
تخيل ترجع بيتك تلاقي عداد الكهرباء اترفع والخدمة اتفصلت نهائيًا!
الموضوع مش مجرد فاتورة متأخرة، لكن فيه مخالفات لو وقعت فيها، شركة الكهرباء من حقها تتخذ إجراءات قد تصل إلى رفع العداد.
من أخطر المخالفات: سرقة التيار الكهربائي، أو التلاعب بالعداد وفك الأختام، أو توصيل الكهرباء لوحدة أو شخص تاني بشكل مخالف.
كمان تغيير مكان العداد بدون موافقة، أو زيادة الأحمال بشكل يخالف التعاقد، أو منع موظفي شركة الكهرباء من فحص العداد، كلها مخالفات ممكن تعرضك للمساءلة.
وفي بعض الحالات، الاستمرار في عدم سداد المستحقات رغم الإنذارات والإجراءات القانونية قد يؤدي أيضًا إلى رفع العداد وإنهاء التعاقد.
علشان كده.. لو عايز تحافظ على عدادك، التزم بشروط التعاقد، وسدد الفواتير في مواعيدها، ومتسمحش بأي توصيلات أو تعديلات غير قانونية.. لأن تكلفة المخالفة ممكن تكون أكبر بكتير مما تتوقع.
