بطاقتك اتسرقت؟ اعمل الخطوة دي الأول.. وإلا مش هتعرف تطلع بدل فاقد
لو بطاقتك الشخصية اتسرقت أو ضاعت، بلاش تروح السجل المدني على طول. أول خطوة لازم تعملها هي تحرير محضر فقد أو سرقة في قسم الشرطة، لأن المحضر هو المستند الأساسي اللي هتحتاجه علشان تستخرج بطاقة رقم قومي بدل فاقد.
بعدها خد رقم المحضر أو صورة رسمية منه، واتوجه لأقرب سجل مدني.
هتشتري استمارة استخراج بطاقة رقم قومي، وتقدم المحضر، ولو بياناتك اتغيرت زي الوظيفة أو محل الإقامة أو الحالة الاجتماعية، هتحتاج تقدم المستندات اللي تثبت التغيير.
أما لو البيانات زي ما هي، ففي أغلب الحالات مش هتحتاج أوراق إضافية. ولو مش حابب تروح بنفسك، تقدر في بعض الحالات تطلب استخراج بدل فاقد من خلال الخدمات الإلكترونية التابعة لوزارة الداخلية، بشرط تكون بياناتك مطابقة لآخر بطاقة تم إصدارها.
يعني لو بطاقتك ضاعت.. أول مشوار ليك هو قسم الشرطة، وبعدها السجل المدني، علشان تخلص الإجراءات بسرعة ومن غير تعطيل
