CIB بيدعم مبادرة "منحة علماء المستقبل".. الطالب الشاطر مش هيشل هم الدراسة والسكن

طالب جاب مجموع كبير، اتقبل في الكلية اللي كان بيحلم بيها، لكن فجأة اكتشف إن تكلفة الدراسة والسكن أكبر من إمكانيات أسرته.

القصة دي بتحصل كل سنة مع آلاف الطلاب، وعشان كده مبادرة "منحة علماء المستقبل" بتحاول تضمن إن الفلوس ما تبقاش سبب يوقف حلم طالب متفوق، وهنا ييجي دور CIB.

البنك التجاري الدولي CIB أعلن انضمامه لدعم مبادرة البنك المركزي المصري "منحة علماء المستقبل"، وهي مبادرة هدفها بسيط لكنه مؤثر جدًا، إن الطالب المتفوق ميضيعش مستقبله بسبب ظروفه المادية.

المنحة بتوفر للطلاب المستحقين دعم كامل، مش بس مصروفات الجامعة، لكن كمان السكن والإقامة والمعيشة داخل الجامعات المصرية.

وكمان فيه اهتمام خاص بالطلاب غير القادرين وذوي الهمم، علشان تكون الفرصة متاحة للجميع على أساس الكفاءة، مش الإمكانيات.

وهنا ييجي دور CIB، البنك مش مجرد جهة بتمول المبادرة، لكنه بيأكد على فكرة مهمة جدًا، إن الاستثمار الحقيقي مش في المباني ولا المشروعات، الاستثمار الحقيقي هو الاستثمار في الإنسان.

يعني لما تساعد طالب متفوق يكمل تعليمه، أنت ممكن تكون بتصنع باحث هيكتشف علاج، أو مهندس هيشارك في مشروع قومي، أو رائد أعمال يوفر آلاف فرص العمل بعد كده.

وده السبب اللي بيخلي دعم التعليم واحد من أهم أوجه المسؤولية المجتمعية لأي مؤسسة.

وفي نقطة تانية مهمة، المبادرة مش بس بتوفر منح، لكن كمان بتساعد الطلاب يدخلوا المنظومة المالية الرسمية.
إزاي؟ من خلال فتح حسابات بنكية للمستفيدين، مع توفير وسائل حديثة لإدارة الحسابات والخدمات البنكية الرقمية.

وده جزء من رؤية البنك المركزي المصري لنشر الشمول المالي بين الشباب، علشان الطالب من أول حياته الجامعية يتعامل مع الخدمات البنكية الحديثة بشكل طبيعي.

والجميل كمان إن CIB فتح الباب قدام أي حد يحب يشارك، يعني لو حابب تساهم في تعليم طالب، تقدر تتبرع لمبادرة "منحة علماء المستقبل" من خلال الحساب رقم 7070، أو بكل سهولة عن طريق تطبيق InstaPay، وده بيحول المبادرة من دور مؤسسة واحدة، لدور يشارك فيه المجتمع كله.

ولو بصينا على الصورة الأكبر، هنلاقي إن دي مش أول مبادرة لـ CIB، من فترة قريبة البنك أطلق برنامج تمكين المرأة في قطاع الأعمال، بالتعاون مع البنك الأوروبي لإعادة الإعمار والتنمية والاتحاد الأوروبي.

البرنامج بيساعد رائدات الأعمال، مش بالتمويل بس، لكن كمان بالتدريب والاستشارات وبناء العلامة التجارية والثقافة المالية،  بل وكمان بيدعم تكلفة الخدمات الاستشارية بنسبة تصل إلى 80%.

وده معناه إن البنك بيتعامل مع المسؤولية المجتمعية بشكل مختلف، مش مجرد تبرعات، لكن استثمار في البشر، سواء شباب لسه في بداية طريقهم، أو سيدات عندهم مشروع وعايزين يكبروه.

لما بنك بحجم CIB يشارك في مبادرة زي "منحة علماء المستقبل"، فالرسالة بتكون واضحة،ة إن التعليم هو أقوى استثمار ممكن يتعمل.

لأن المنحة النهارده، ممكن تبقى عالم بكرة، وممكن تبقى اختراع، أو شركة، أو فرصة تغير حياة ملايين.