هيونداي ومرسيدس وتويوتا.. ازاي تشتري عربية من مزاد المالية بسعر أقل

لو نفسك تشتري عربية بسعر أقل من السوق.. الفرصة دي ممكن تهمك.
وزارة المالية أعلنت عن مزاد جديد لبيع سيارات تابعة لجهات حكومية، والمفاجأة إن المعروض فيه ماركات معروفة زي هيونداي، وتويوتا، ومرسيدس، وغيرها. 

لكن الدخول للمزاد ليه شروط، أهمها شراء كراسة الشروط، وسداد مبلغ التأمين المؤقت قبل المشاركة، وبعدها تقدر تدخل المزايدة بشكل رسمي. 

وطبعًا لازم تعاين العربية بنفسك قبل المزايدة، لأن البيع بيكون على حالتها الفعلية، ومفيش استبدال أو استرجاع بعد رسو المزاد. 

لو قدرت تختار العربية المناسبة، ممكن تشتريها بسعر أقل من أسعار السوق، لكن أهم حاجة تدخل المزاد بعد ما تكون عارف ميزانيتك وحالة العربية كويس.