فاتورة الكهرباء بتزيد وإنت نايم.. والسبب 7 أجهزة عندك في البيت

في ناس كتير بتقفل الأجهزة قبل النوم لكنها بتتفاجئ إن فاتورة الكهرباء لسه عالية.. والسبب إن في أجهزة بتفضل تسحب كهرباء وهي في وضع الاستعداد.

زي شاحن الموبايل والتليفزيون والكمبيوتر وأجهزة الألعاب والميكروويف وماكينة القهوة والطابعة.. عشان كده الأفضل تفصلها من الكهرباء.

لو مش محتاجها استخدم مشترك فيه زر تشغيل وإيقاف واقفل الأجهزة بالكامل بدل وضع الاستعداد.

ولو عندك أجهزة قديمة راجع استهلاكها لأنها غالبا بتسحب كهرباء أكتر.

وفي نفس الوقت متفصلش الثلاجة أو الفريزر أو الأجهزة الطبية أو الراوتر.

لو محتاج الإنترنت بشكل مستمر خطوات بسيطة ممكن تساعدك تقلل استهلاك الكهرباء وتخفف قيمة الفاتورة.