أصوات غريبة من عداد الكهرباء؟.. تجاهلها ممكن يكلفك غرامة
الإثنين 06/يوليو/2026 - 05:30 ص
لو عداد الكهرباء عندك بدأ يطلع صوت، أو تكتكة، أو حتى صوت فرقعة خفيف.. متقولش عادي!
الأصوات دي ممكن تكون علامة على وجود عطل في العداد أو في التوصيلات الكهربائية، ولو تجاهلتها، ممكن تتطور لمشكلة أكبر أو تعرضك للمساءلة إذا تبين وجود خلل يحتاج فحص.
أول حاجة تعملها: متحاولش تفتح العداد أو تصلحه بنفسك.
ولو لاحظت سخونة غير طبيعية أو ريحة حريق، افصل الأحمال الكهربائية فورًا حفاظًا على سلامتك.
بعدها بلغ شركة الكهرباء أو اتصل بالخط الساخن 121 علشان ييجي فني مختص يفحص العداد.
وخليك فاكر ان أي صوت جديد أو غير طبيعي في عداد الكهرباء مش لازم تتجاهله، والتصرف السريع ممكن يحميك من أعطال أكبر أو إجراءات قانونية.
