كارت الكهرباء مش بيقبل الشحن؟.. 4 خطوات تحل المشكلة قبل ما تروح شركة الكهرباء

كارت الكهرباء مش بيقبل الشحن؟ استنى دقيقة قبل ما تروح شركة الكهرباء!

لو رحت تشحن الكارت واتفاجئت إنه رافض الشحن، متقلقش.. في كام خطوة بسيطة ممكن تحل المشكلة من غير أي مشوار.

أول حاجة، حط الكارت في العداد نفسه لمدة ثواني، لأن أحيانًا بيحتاج يسجل آخر قراءة أو آخر شحنة.

بعدها، بص على الشريحة النحاسية في الكارت، ولو عليها تراب أو اتساخ، امسحها برفق باستخدام أستيكة ناعمة.

ولو لسه المشكلة موجودة، افصل الكهرباء من المفتاح العمومي للعداد لمدة نص دقيقة، وبعدها شغله تاني وجرب تشحن الكارت.

ولو بتستخدم موبايل فيه خاصية NFC، ممكن كمان تجرب الشحن من خلال التطبيقات الداعمة للخدمة.

ولو بعد كل الخطوات دي الكارت لسه مش بيقبل الشحن، يبقى الأفضل تتوجه لأقرب شركة كهرباء علشان يفحصوا الكارت أو يستبدلوه، مع الحفاظ على الرصيد الموجود عليه.